Цахим айлтгалын сан

Хувь хүн, өрх гэрийн эд хөрөнгө, буян хишгийг арвижуулахад болон өвчин зовлон, гай гарз зэтгэр, гал усны аюул зэргээс гэтлэхийн тухайд айлдуулахын зэрэгцээ гэр орондоо тахиж шүтэн хадгалдаг ёстой нийт монголчуудын гол шүтээн судар болой.

Алтангэрэлийн даллага эд эдлэл, идээ ундаа, олз омог, буян хишиг арвижуулан гарзын үүдийг хаана.

Хол газар явах үед зүг бүрийн аян зам маань өлзийтэй байж санасан сэдсэн үйл хэрэг маань цаг үргэлж бүтэмжтэй байна. Замын саад бэрхшээл, осол эндэлээс сахин хамгаална

Аян замын ерөөл Барчидламсэл тоо Чогжүмүнсэл үсэг Жанцан зэма Дэвжид сэржим

Цогт Махагал 75 нөхөр сэлт, Жамсран нөхөр сэлтийн үүднээс үйлсийг бүтэхэд 2 янз буй. Энэхүү сэржмийг айлтгуулснаар: Хулгайд эд зүйлсээ алдагдсан үед болон хэл ам, хэрүүл тэмцлийг буцаана. Ажил үйлсийг бүтээнэ. Гараг 9, 27 од, газар лус зэрэг элдэв цээр барчадаас хамгаалж, амирлуулах, үйлс бүтэхэд дээрхи бурхад нөхөр сэлтийн хамт аварч сахина.

Хилэнцийг арилгах, хүн малын өвчнийг амарлиулах, амийг соёрхон барих тарнийн их хүч чадалтай “Таван сахьяа” хөлгөн судар юм.

Нас нөхцөгсдийг зуурдын аюулаас гэтэлгэхийн тухайд уншуулна. Зуурдын зовлонгоос гэтэлгэнэ.

Ловонбадамжунай бурханы айлдсан аливаа үйлс бүтээхэд тотгорлогч гадна, дотны саад зэтгэр бүгдийн замыг таслана.

Бүтээх гэж байгаа үйлсээс шалтгаалан олонтоо уншуулна.

Төвөдийн хамгийн анхны хийд Самъяа хийдийг байгуулж байх цаг үедээ Ловонбадамжунай бурхан энэхүү номыг зохиосон гэдэг. “Бумсан” нь мал ахуй гарз гарлагагүй байх, хол аян замд явах, ажил үйлсийг бүтээх зэрэг хүмүүний эгээрэл хүсэл бүхэнд айлтгана. Хишиг буяныг хураах болон хэл амыг буцаана. Олон бурхан, сахиусны сан ариусгал юм.

Хүүхэд тогтооно, өвчинд нэрвэгдэх, хүүхдийн 15 ад зэтгэрийг арилгахад айлдуулна.

Нас урт, өвчингүй байж эд өглөг арвижин, хүүхэд нялхасыг өвчин зовлонгоос аварна.

Газар лусын хорлол болон өвчинд баригдах, ураг удмын лусын хорлол, хараал жатга, барцад гарах үед уншуулбал зохистой.

Богд ламын айлдсан Бурхан багшийн магтаал бөгөөд сайн мөрд хөтлөх эрүүл энх номын мөрөөс хагацахгүй байхын тухайд уншдаг. Бурхан багшийг янагуухын үүднээс магтсан магтаал. 2 заяа ялгах, хойтын буянд айлтгал бөгөөд тоо авч уншваас аньс гэтлэхийн зовлонг амирлуулдаг хэмээн дээдэс мэргэд айлдсан байдаг.

Гал суудалд суусан хүмүүс ихэвчлэн уншуулна. Гал суудалд суусан эмэгтэй хүн ихэвчлэн өвдөх, өвчин ороох зэрэг нигууртай байдаг. Галд суусан эр,эм хүмүүс сэтгэл хөөрөх, ааш эвдрэх зэрэгт голлон уншуулбал жилийн цээр, зэрэгт ихэд тустай. Гал суудлын цээрийг арилгаж, барцадыг арилган засна.

Дэмчог, хажид бурханы магтаал тахил. Цөвүүн цагт ялгамжаатай туслах бурхадын тангарагтай, энэ нас ба хойтын буянд айлтгаж болно. Аливаа нэгэн ажил үйлсийг түргэн бүтээх, тухайлсан хэрэгт уншуулна. (16,21,50,100 удаа г.м)

Цонлха бурханы үүднээс уншиж байгаа Худалдаа Наймааны ном 1. Үргэлж арилжаа наймаа хийдэг хүн. 2. Шинэ юмсыг зарах. 3. Байр, машин зарах тэргүүтэнд ч олонтоо айлдуулж болно.

8,18,19,27,29 буюу догшин 5 гаригийн засал. Зурхайн ёсоор гараг эрхшээдэг бөгөөд тухайн гараг бүр хатуу, зөөлөн үр гардаг. 8,18,19,27,29-ний гараг эрхшээл нь хатуу тул гараг заслыг тусгайлан засуулваас үйлс бүтэлгүйтэх, өвдөх, гэнэтийн осол, бэртэх зэрэг харшлах шалтгаан амирладаг учиртай

Сэдэд, Ногоон дарь эх, Ширнэн хэмээх гурван ном багтдаг гүрмийн хураангуй 1084 ад, хорлол хөнөөл, хэл ам, хараал жатга, архины дон, хэсэх дон, ааш зангийн хорлолд өртөх зэрэг харшлах шалтгааныг амирлуулж, арилгахын тухайд айлтгаж хуруулдаг. Нялхас, хүүхдэд нэн ачтай юм.

Мэнгэний харш болон Суудлын харш Жилийн харш, махбодийн харшаас шалтгаалж гэр бүл салах, таарамжгүй байх, эд баялаг хомсдож, гарз нүүрлэх, үргэлжид зовлон зүдгүүр нүүрлэхэд засдаг тусгай засал болой.